ARSITEKTUR IMAH SUNDA

BUBUKA

Upama urang miang ka Bali, Toraja, Minangkabau, Batak atawa Irian, kalawan gampang urang bisa ningal imah atawa wangunan anu has daerahna. Malah hal ieu jadi ciri mandiri (trade mark) pikeun daerahna masing-masing. Bangsa asing nu datang ka Indonesia, kacida katajina ku rupa-rupana arsitektur imah nu aya di Indonesia.

Naha ari Tatar Sunda mibanda arsitektur imah?

Tangtu aya jeung miboga wangun imah anu ngabogaan ciri khas Tatar Sunda, saupamana wae ti mimiti imah anu pangsaderhanana tepi ka anu cukup rumit nyieunna. Conto wangunan moderen anu dasar arsitekturna ngagunakeun arsitektur Sunda pangpangna wangun suhunanana, di antarana suhunan Kampus ITB jeun sabagian suhunan Gedong Sate. Wangunan Pendopo Kabupaten Bandung jeung sababaraha Wangunan Pendopo anu aya di Tatar Sunda mah ilaharna ngagunakeun suhunan anu ngajadi ciri Wangunan Arsitektur Imah Sunda.

SAWATARA TEMPAT ANU MASIH KENEH AYA IMAH ARSITEKTUR SUNDA

Upama dipapay leuwih jauh conto arsitektur nu asli Sunda tur dina wangunan nu masih keneh saderhana, nya eta wangunan imah di:

- Baduy (Banten Kidul)

- Kampung Naga (Tasikmalaya)

- Kampung Pulo (Garut)

- Kampung Genereh (Sumedang)

- Kampung Palasah (Majalengka)

- Kampung Gabus (Cirebon)

Di Baduy, Kampung Naga jeung Kampung Pulo, beunang disebutkeun wangunan imah-imahna masih keneh asli tradisional. Tapi di Kampung Genereh, Palasah jeung Gabus mah, ngan kari hiji-dua bae, kitu oge kaayanana geus loba anu ruksakna.

CIRI-CIRI JEUNG FUNGSI ARSITEKTUR IMAH SUNDA TRADISIONAL

Nurutkeun panalungtikan tim ahli anu dijejeran ku Prof. Dr. Kusnaka Adimiharja, Spk, gawe bareng jeung Kanwil Pariwisata Propinsi Jawa Barat, ciri-ciri jeung fungsi imah Sunda teh bisa disawang tina:

- Aspek Sosial Budaya jeung Arsitektur

- Ciri Wangunan anu Has

Kateranganana upama dipedar leuwih jelas mah kieu:

Aspek Sosial Budaya jeung Arsitektur

Keur urang Sunda, imah teh lain ngan ukur pikeun tempat cicing, atawa tempat istirahat wungkul, tapi oge boga harti anu leuwih lega, nyakup sosial, ekonomis jeung jadi puseur atikan budaya kaasup pendidikan moral, sarta dianggap suci (sakral). Nya di jero imah pisan tumuwuhna hubungan sosial (sosialisasi) anggota kulawarga. Di imah pisan tempat migawe hal-hal nu sipatna ekonomis (home industri). Di imah pisan hal-hal nu tumali jeung atikan kabudayaan ku indung-bapa diajarkeunana ka anak-anakna. Kitu deui imah teh dianggap suci (sakral), disaruakeun jeung alam mikro (bumi sok disebut imah), nu dianggap miniaturna tina makro (dunya = anu oge disebut bumi). Jadi bumi (imah) teh dianggap sarua jeung bumi (dunya).

Eta sababna upama hiji imah dipake hal-hal nu teu hade atawa dipake hal-hal anu kotor, bakal dianggap ngaruksak kasakralan imah, imahna jadi “sial”. Ceuk urang Sunda mah imah teh mangrupa tempat anu suci nu kudu dijaga kasucianana.

Ciri Wangunan anu Has

Ciri has imah Sunda nyaeta panggung (aya kolongna). Bedana jeung imah panggung seler bangsa sejen (Batak, Dayak, Minangkabau), nyaeta luhurna kolong imah Sunda mah henteu pati luhur (40-60cm), siga kolong imah urang Jepang. Upama aya imah di Tatar Sunda anu lain panggung, tapi ngupuk saperti di daerah Tatar Kaler eta mah pangaruh Budaya Jawa. Hateupna (suhunan) imah di Tatar Sunda rupa-rupa aya Julang Ngapak, Jogo Anjing, Heuay Badak, Jure Limasan jeung Leang-Leang. Di antara nu disebutan bieu anu has Sunda mah nyaeta nu disebut suhunan Julang Ngapak (Sulah Nyanda, Julang Wirangga), ari nu sejenna mah kapangaruhan ku kabudayaan batur (suhunan Leang-Leang kapangaruhan ku Arsitektur Cina, Limasan pangaruh Jawa).

Ciri sejenna nya eta ayana capit hurang (cagak gunting), nyaeta babagian tungtung hateup (suhunan) anu dirupakeun cagak atawa bisa oge saperti tanduk munding, malah aya anu dibuleudkeun (lingkaran), biasana tina kai, atawa awi anu dibulen ku injuk. Gunana cagak gunting diantarana pikeun nyegah cai hujan bocor ka jero imah, jadi saperti fungsina talang. Jaba ti eta cagak gunting teh dianggap oge ngandung tanaga gaib pikeun nyegah pangaruh negatip.

Ari wangun (bentuk) imah, biasana pasagi panjang. Latena make palupuh awi, bilikna tina awi dianyam atawa ku sasag. Rangkay imah dijieunna tina kai. Make tatapakan tina batu. Rohangan imah dibagi nurutkeun babagian anu husus. Nyaeta bagian hareup tepas (emper) pikeun ngumpulna semah lalaki. Enggon (kamar sare) jeung bagean dapur (hawu jeung padaringan gudang tempat neundeun beas = pabeasan), bagean tukang ieu mah pikeun awewe. Pangpangna padaringan (goah, pabeasan) kacida dilarangna lalaki asup ka daerah eta.

PANUTUP

Konsep Arsitektur imah Sunda nu mibanda konsep dasar nu filosofis, kacida hadena upama bisa ditransformasikeun kana arsitektur imah nu moderen, nu luyu jeung kapribadian bangsa. Tangtu bae kudu diluyukeun jeung kamajuan teknologi bari henteu lesot tina pandangan hirup jeung filsafah kabudayaan Sunda. Saenyana henteu ngan dina arsitektur bae ayana falsafah Sunda teh tapi oge dina aspek-aspek budaya sejenna, upamana bae dina seni Cianjuran, Tari, Penca, Tata Boga (kadaharan), Tata Busana, jeung dina rupa rupa seni budaya sejenna. Urang sarerea, pangpangna para nonoman kudu leukeun neangan pribadi falsafah karuhun urang, sangkan bisa katransformasikeun dina kahirupan moderen. Muga bae pareng kawujudkeun.

Sumber : http://www.sundanet.com

Tujuh Welas Pupuh

Kanggo nyusun rumpaka pupuh, kedah ditarekahan supados luyu sareng jiwa pupuh nu tujuh welas nya eta:

1. Asmarandana, ngagambarkeun rasa kabirahian, deudeuh asih, nyaah.
   
2. Balakbak, ngagambarkeun heureuy atawa banyol.
   
3. Dangdanggula, ngagambarkeun katengtreman, kawaasan, kaagungan, jeung kagumnbiraan.
   
4. Durma, ngagambarkeun rasa ambek, gede hate, atawa sumanget.
   
5. Gambuh, ngagambarkeun kasedih, kasusah, atawa kanyeri.
   
6. Gurisa, ngagambarkeun jelema nu ngalamun atawa malaweung.
   
7. Juru Demung, ngagambarkeun nu bingung, susah ku pilakueun.
   
8. Kinanti, ngagambarkeun nu keur kesel nungguan, deudeupeun, atawa kanyaah.
   
9. Ladrang, ngagambarkeun nu resep banyol bari nyindiran.
   
10. Lambang, ngagambarkeun nu resep banyol tapi banyol nu aya pikiraneunana.
    
11. Magatru, ngagambarkeun nu sedih, handeueul ku kalakuan sorangan, mapatahan.
    
12. Maskumambang, ngagambarkeun kanalangsaan, sedih bari genes hate.
    
13. Mijil, ngagambarkeun kasedih tapi bari gede harepan.
    
14. Pangkur, ngagambarkeun rasa ambek nu kapegung, nyanghareupan tugas nu beurat.
    
15. Pucung, ngagambarkeun rasa ambek ka diri sorangan, atawa keuheul kulantaran teu panuju hate.
    
16. Wirangrong, ngagambarkeun nu kawiwirangan, era ku polah sorangan.
    
17. Sinom, ngagambarkeun kagumbiraan, kadeudeuh.
    

1. PUPUH ASMARANDANA
   
   (Ngagambarkeun rasa deudeuh, asih, nyaah, birahi)

   PIWURUK SEPUH
   
   Ngariung di tengah bumi,
   
   pun biang sareng pun bapa,
   
   jisim abdi diuk mando,
   
   husu ngupingkeun pituah,
   
   piwejang ti anjeunna,
   
   pituduh laku rahayu,
   
   piwejang sangkan waluya.

2. PUPUH BALAKBAK
   
   (Ngagambarkeun heureuy atawa banyol)

   DAYEUH BANDUNG
   
   Dayeuh Bandung kiwari teuing ku rame-araheng,
   
   gedong-gedong pajangkung-jangkung wangunna-alagreng,
   
   tutumpakan-tutumpakan balawiri lalar liwat-garandeng.

3. PUPUH DANGDANGGULA
   
   (Ngagambarkeun katengtreman, kawaasan, kaagungan, kagumbiraan)

   MILANG KALA
   
   Dinten ieu estu bingah ati,
   
   ku jalaran panceg milang kala,
   
   kenging kurnia ti Alloh,
   
   rehing nambahan taun,
   
   tepung taun umur sim abdi,
   
   henteu weleh neneda,
   
   ka Gusti Nu Agung,
   
   malar umur teh mangpaat,
   
   tebih bahla turta pinarinan rijki,
   
   sumujud ka Pangeran.

4. PUPUH DURMA
   
   (Ngagambarkeun rasa ambek, gede hate, sumanget)

   LEMAH CAI
   
   Nagri urang katelah Indonesia,
   
   diriksa tur dijaring,
   
   sumirat komarana,
   
   berkahna Pancasila,
   
   ageman eusining nagri,
   
   yu sauyunan,
   
   ngawangun lemah cai.

5. PUPUH GAMBUH
   
   (Ngagambarkeun kasedih, kasusah, kanyeri)

   KADUHUNG
   
   Kaduhung sagede gunung,
   
   kuring sakola teu jucung,
   
   lalawora resep ulin,
   
   hanjakal tara ti heula,
   
   ayeuna kari peurihna.

6. PUPUH GURISA
   
   (Ngagambarkeun nu ngalamun atawa malaweung)

   SI KABAYAN
   
   Si Kabayan lalamunan,
   
   pangrasa bisa nyetiran,
   
   motor atawana sedan,
   
   poho keur eundeuk-eundeukan,
   
   na dahan emplad-empladan,
   
   gujubar kana susukan.

7. PUPUH JURU DEMUNG
   
   (Ngagambarkeun nu bingung ku kalakuan sorangan)

   ADIGUNG
   
   Lolobana mungguh jalma,
   
   embung hina hayang agung,
   
   hayang hirup mukti,
   
   tapina embung tarekah,
   
   tinangtu mo bakal nanjung.

8. PUPUH KINANTI
   
   (Ngagambarkeun nu nungguan, deudeupeun atawa kanyaah)

   KANYAAH INDUNG
   
   Kanyaah indung mo suwung,
   
   lir jaladri tanpa tepi,
   
   lir gunung tanpa tutugan,
   
   asihna teuing ku wening,
   
   putra teh didama-dama,
   
   dianggo pupunden ati.

9. PUPUH LAMBANG
   
   (Ngagambarkeun anu lohong banyol, tapi pikiraneun)

   WAWANGSALAN
   
   Dialajar wawangsalan,
   
   saperti tatarucingan,
   
   cik naon atuh maksudna,
   
   teangan naon wangsalna,
   
   gedong ngambang di sagara,
   
   ulah kapalang diajar,
   
   keuyeup gede di lautan,
   
   kapitineung salawasna.

10. PUPUH LADRANG
    
    (Ngagambarkeun anu banyol tapi bari nyindiran)

    MOKAHAAN
    
    Aya hiji anak bangkong leutik,
    
    mokahaan,
    
    maksudna ngelehkeun sapi,
    
    nahan napas antukna bitu beuteungna.

11. PUPUH MAGATRU
    
    (Ngagambarkeun nu sedih, bingung, handeueul atawa mapatahan)

    KASAR - LEMES
    
    Dupi irung lemesna teh nya pangambung,
    
    pipi mah disebat damis,
    
    upami buuk mah rambut,
    
    ceuli sok disebat cepil,
    
    kasarna angkeut mah gado.

12. PUPUH MASKUMAMBANG
    
    (Ngagambarkeun kanalangsaan, sedih bari ngenes hate)

    BUDAK JAIL
    
    Anak manuk dikatepel budak jail,
    
    jangjangna getihan,
    
    rek hiber teu bisa usik,
    
    duh manusa kaniaya.

13. PUPUH MIJIL
    
    (Ngagambartkeun kasedih tapi gede harepan)

    NUNGTUT ELMU
    
    Najan cicing nya di tepiswiring,
    
    kade ulah bodo,
    
    kudu tetep nungtut elmu bae,
    
    sabab jalma nu loba pangarti,
    
    hirup tangtu hurip,
    
    mulus tur rahayu.

14. PUPUH PANGKUR
    
    (Ngagambarkeun nu gede ambek atawa nyanghareupan tugas beurat)

    KA SAKOLA
    
    Seja miang ka sakola,
    
    rek diajar nambahan elmu pangarti,
    
    pigeusaneun bekel hirup,
    
    sabab mungguhing manusa,
    
    kudu pinter beunghar ku elmu panemu,
    
    komo jaman pangwangunan,
    
    urang kudu singkil bakti.

15. PUPUH PUCUNG
    
    (Ngagambarkeun nu ambek ka diri sorangan atawa keuheul kulantaran teu panuju hate)

    TATAKRAMA
    
    Mangka inget tatakrama sopan santun,
    
    tanda jalma iman,
    
    nyarita jeung amis budi,
    
    da basa mah lain barang anu mahal.

16. PUPUH WIRANGRONG
    
    (Ngagambarkeun anu kawiwirangan, era ku polah sorangan)

    SIEUN DORAKA
    
    Kuring moal deui-deui,
    
    gaduh panata nu awon,
    
    ngabantah nu jadi indung,
    
    sieun dibendon ku Gusti,
    
    kawas Dalem Boncel tea,
    
    doraka ti ibu-rama.

17. PUPUH SINOM
    
    (Ngagambarkeun kagumbiraan, kadeudeuh)

    TATAR SUNDA
    
    Tatar Sunda estu endah,
    
    lemah cai awit jadi,
    
    sarakan asal gumelar,
    
    amanat Ilahi Robbi,
    
    titipan nini aki,
    
    wajib dijaga dijungjung,
    
    basa katut budayana,
    
    padumukna luhung budi,
    
    insya-Allah tatar Sunda karta harja.
    

Gapuraning Gusti, 1992.

Rumpaka Pupuh Asmarandana, Dangdanggula, Kinanti, Sinom Tina Buku Wulang Krama karya Drs. R.H. Hidayat Suryalaga.

Sumber : http://www.sundanet.com/

RONGGENG, DI ATAS DAN DI BELAKANG PANGGUNG

Wacana kajian esoteris, menyelam ke kedalaman makna RONGGENG, dengan harapan bisa mengenal nilai-nilai spiritual yang terkandung dalam Seni Pertunjukan Rakyat Sunda ini khususnya lagi dalam sosok Penari Ronggeng.

Mengapa harus Folklore > Folklorik Sunda?

Folklore adalah cerita rakyat yang merupakan bagian dari endapan kebudayaan suatu bangsa, diwariskan melalui media lisan, tulisan, perbuatan dan bentuk budaya fisik/norma lainnya.

Dengan demikian Folklorik Sunda — dalam hal ini kesenian Ronggeng — merupakan endapan dari kebudayaan Sunda dalam bentuk fisikal (bisa diindra dan ditonton). Lalu endapan “nilai idea” apa yang dikandung didalamnya? Untuk mencari nilai-nilai idea mari kita telaah bersama melalui beberapa kajian berikut ini:

1. Heurmanetika Filosfi sebagai Batu Uji Nilai

   Untuk mencoba mencari nilai-nilai idea yang bersifat abstrak memerlukan pisau bedah dan batu uji untuk menakar kekentalan nilai-nilai yang dikandungnya (Esoteris), maka digunakanlah kajian Heurmanetika, yaitu ilmu untuk membantu menemukan kebenaran yang hakiki dari satu masalah.

   Kajian Heurmanetika akan berkaitan erat dengan kajian Semiotika (ilmu tentang tanda dan simbol — The Meaning of Meaning, Ogden & Richards 1923). Makna (nilai-nilai) akan diinformasikan melalui tanda/simbol, dan simbol-simbol itu akan diwujudkan dalam karya budaya yang bisa diindera, antara lain dalam bahasa (cerita, sajak, peribahasa), lukisan, arsitektur, lagu, musik, tari dan sebagainya (Djuretna & Wagiyo, 1983:3).

   Adapun Dick Hartoko mengatakan bahwa simbol/lambang adalah suatu pola arti, sehingga apa yang dikatakan (pen: dieskpresikan) dengan apa yang dimaksud terjadi hubungan asosiasi (1986:190).

2. Ronggeng di atas Panggung (yang kasat mata) & Ronggeng di belakang Panggung (Nilai Esoteris)

   Ronggeng ialah penari wanita dalam Seni Pertunjukan Rakyat. seperti penari Ronggeng Gunung, Ronggeng Bajidor, Ronggeng Ketuk Tilu, Ronggeng Belentuk Ngapung, dan sebagainya.

   Jumlah Ronggeng dalam satu pagelaran tidak tetap, antara seorang sampai beberapa orang. Hal ini sangat tergantung dari ketenaran kelompok keseniannya.

   Menurut konsep tradisional pertunjukan akan dibuka dengan tatalu (overture awal) setelah itu dilanjutkan dengan wawayangan, yaitu seluruh ronggeng yang ada akan tampil ke pentas. Mereka berdiri berjajar dengan diselingi gerakan-gerakan tari yang sederhana sebagai respon terhadap irama karawitan. Tidak menyuguhkan gerakan tari secara utuh. Tujuannnya memperkenalkan diri. Ini pun tidak diperkenalkan secara lisan, hanya untuk dikenal oleh penonton. Maksud lainnya untuk memudahkan penonton pria yang nanti ingin menari dengan Ronggeng yang dipilihnya.

   Singkatnya kata RONGGENG hanya ditujukan kepada penari Wanita yang siap menari berpasangan dengan penonton pria yang tertarik olehnya. Di beberapa daerah di Indonesua kata lain yang searti dengan ronggeng yaitu: tandak, tledek, inang, ni/nini.

   Tidak didapatkan istilah Ronggeng Pria di daerah Sunda

   Dalam naskah cerita lisan Sunda antara lain dalam bentuk cerita Pantun, ada cerita Ronggeng Tujuh Kala Sirna (RTKS), berasal dari daerah Bogor. Konon kabarnya karya cipta Muhtar Kala (almarhum), salah seorang Budayawan Sunda.

   Alur cerita Ronggeng Tujuh Kala Sirna, sama dengan cerita-cerita lama lainnya yang tokoh utamanya seorang satria yang bertapa untuk mencapai keinginannya, lalu digoda para bidadari — dalam hal ini diperankan Ronggeng. Ada dua kemungkinan yang akan terjadi, Sang Satria tergoda Ronggeng sehingga batal bertapa, atau Sang Satria mampu mengatasi godaan Ronggeng, sehingga berhasil tapanya. Temanya selalu jelas warna hitam dan putih. Berhasi atau gagal. menang atau kalah. Dalam cerita RTKS sang Satria berhasil tapanya, berarti mampu menahan godaan para Ronggeng.

   Menyimak alur sederhana di atas, kita sudah bisa menyimak makna fungsi semiotika dari peran RONGGENG, yaitu sebagai batu penguji, untuk men-tes keuletan sang Satria.

   Dalam kajian heurmanetika folklor Sunda, “Sang Satria” tidak selalu identik dengan laki-laki/pria secara genus, tetapi dimaknai dengan Daya Hidup/elan vital, semangat, etos juang.

   Sang Ronggeng dimaknai sebagai faktor penguji bagi keuletan sifat Kesatriaan yang ada di diri tiap insan, baik laki-laki maupun perempuan.

   Ronggeng yang tujuh adalah simbolisasi dari kelima indra yang tampak ditambah dengan dua indra yang tak tampak. Maka simbol dari ke-7 ronggeng tersebut adalah:
   

   1. Menguji daya tarik mata/penglihatan.
      
      Nini Paraji suka berkata (parancah) kepada bayi yang baru lahir: “Ulah sok tenjo-tenjona, ari lain tenjoeunana” (jangan kau lihat kalau bukan untuk kau lihat).
      
   2. Menguji daya tarik telinga/pendengaran.
      
      Parancahna: “Ulah sok sadenge-dengena, ari lain dengekeuneunana” (jangan kau dengar, kalau bukan yang harus kau dengar).
      
   3. Menguji daya tarik hidung/penciuman.
      
      Parancahna: “Ulah sok saambeu-ambeuna, ari lain ambeuaneunana” (jangan kau cium/hirup kalau bukan yang pantas kau cium/hirup).
      
   4. Menguji daya tarik mulut, fungsi mulut: berucap, makan/rasa lidah.
      
      Parancahna: “Ulah saomong-omong, ari lain omongkeuneunana, ulah sahuap-huapna ari lain huapkeuneunana (jangan bicara kalau bukan untuk kau bicara, jangan kau makan kalau bukan untuk kau makan).
      
   5. Menguji daya tarik tangan/kulit, rasa meraba/perabaan.
      
      Parancahna: “Ulah sok sacabak-cabakna ari lain cabakeunana” (jangan sembarang raba/pegang, kalau bukan yang pantas/hak kau raba/pegang).
      
   6. Menguji daya naluri (intuisi).
      
      Parancahna: “Ulah ceuk rarasaan tapi kudu ceuk rasa surasa” (jangan menurutkan perasaan tapi turutkanlah rasa yang sejati).
      
   7. Menguji daya semangat hidup.
      
      Parancahna: “Ulah sok luas-luis leos, tapi kudu cageur, bageur, bener, pinter, pangger, teger, wanter, singer, cangker” (jangan hanya berhias diri lalu pergi tanpa tujuan, tapi harus cageur, bageur, bener, pinter, pangger teger, wanter, singer dan cangker)
      

Itulah makna/tugas dari Ronggeng dalam kajian semiotika filsafat Sunda. Ternyata mulia sekali tugas SANG RONGGENG di BELAKANG PANGGUNG.

Yargon yang dikemukakan untuk Sang Ronggeng adalah:

tanpa sang ronggeng, tak akan ada sang kesatria.

kesatria yang gagah perkasa adalah yang mampu menghadapi dan mengatasi tantangan diri dan jamannya.

karena itu manusia harus mampu “ngigelan jeung ngigelkeun jaman”.

Jadi hakekat RONGGENG adalah TANTANGAN DIRI DAN JAMAN.

* Drs.R.H. Hidayat Suryalaga

Sumber : www.sundanet.com